Kn/ kilinochchi Maha Vidyalayam

Achievements

Jul 31, 2026

தேசிய மட்ட கணித ஒலிம்பியாட் போட்டியில் வெண்கலப் பதக்கம்

எமது பாடசாலையின் தரம் 10 இல் கல்வி கற்கும் லிங்கராஜா தஷ்வின் எனும் மாணவன் தரம் 9,10,11 ஆகிய தரங்களுக்கிடையில் நடாத்தப்பட்ட தேசிய மட்ட கணித ஒலிம்பியாட் போட்டியில் வெண்கலப் பதக்கத்தை பெற்றுக் கொண்டார். தொடர்ந்து சர்வதேச கணிதப் போட்டியில் இலங்கையைப் பிரதிநிதித்துவப்படுத்த மாணவர்களை தெரிவு செய்யும் போட்டி பரிட்சையில் ஐந்தாம் இடத்தினை பெற்று மொங்கோலியா நாட்டில் நடைபெற்ற சர்வதேச கணித போட்டியில் இலங்கையை பிரதிநிதித்துவப்படுத்தினார்.

32 நாடுகளில் இருந்து ஏறத்தாழ 600 மாணவர்கள் பங்குபற்றிய இப்போட்டியில் தஷ்வின் (Merit)விசேட சித்தியினைப் பெற்றுக்கொண்டார்.

எமது பாடசாலைக்கு பெருமை தேடித் தந்த இம் மாணவனுக்கு மனமார்ந்த வாழ்த்துக்களையும் பாராட்டுக்களையும் தெரிவித்துக் கொள்கின்றோம்.

Jul 07, 2026

புதிய மாகாண சாதனை

புதிய மாகாண சாதனை🏆

கிளிநொச்சி மகா வித்தியாலயத்தின் மாணவி J.ஜஸ்மிகா அவர்கள் 14 வயதுப் பிரிவு பெண்கள் 80m சட்டவேலி போட்டியில் 1ஆம் இடத்தைப் பெற்று 2026 ஆம் ஆண்டிற்கான புதிய மாகாண சாதனையையும் படைத்துள்ளார்.

பழைய சாதனை 14.40 வினாடிகளை உடைத்து 13.7 வினாடிகளில் புதிய வரலாறு எழுதியுள்ளார்.

எமது பாடசாலைக்கு பெருமை தேடித்தந்த வீராங்கனைக்கு மனமார்ந்த வாழ்துக்களையும், பாராட்டுக்களையும் தெரிவித்துக்கொள்கிறோம். 👏💙

#KMV
#U14
#80mHurdles #NewRecord #ProudMoment

Jul 07, 2026

மாகாண மட்ட ஹொக்கிப் போட்டியில் எமது பாடசாலையின் 20 வயதுப் பிரிவு அணி முதலாம் இடத்தைப் பெற்று தேசிய மட்டப் போட்டிக்கு தெரிவு

கடந்த இரு நாட்களாக (28,29/06/2026) நடைபெற்ற மாகாண மட்ட ஹொக்கிப் போட்டியில் எமது பாடசாலையின் 20 வயதுப் பிரிவு அணி முதலாம் இடத்தைப் பெற்று தேசிய மட்டப் போட்டிக்கு தெரிவு செய்யப்பட்டுள்ளார்கள்.

சிறந்த பெண் வீராங்கனையாக த.வருணிகா தெரிவு செய்யப்பட்டார்.